黃巧茹老師是以前中學的羽毛球隊老師, 雖然她沒有教過我, 但在校隊裏與她相處了五年.

我很喜歡她, 因為她很nice, 很好傾. 當我在facebook見到她結婚的消息, 便急不及待問她地點時間, 加上她在文化中心行禮, 咁近我公司, 當然要去啦!

見到一個識左咁多年o既老師結婚, 真係好登佢開心, 雖然我都好想有呢一日, 不過真係吾急, 好似miss咁, 年紀成熟d, 有錢有事業個時先結都未遲啦!

在此, 祝Miss Wong同老公仔永遠開心快樂! 甜甜蜜蜜一輩子.

12月22日 是冬至, 所以今日同媽咪, 細佬一齊食飯.

我地三個好少一齊食飯, 所以一有機會就有講有笑.

24歲對我黎講好有意義, 因為是媽咪成為傷殘人士十周年, 媽咪是我一生中影響我最深的人, 她在我童年時對我的教導, 成就了今天的我.

過去十年, 因為家庭的改變令我發奮, 現在, 就是我真真正正要報答家人的時候.

最近我好開心在友情上大大進步了, 所以我會用對朋友的心來對家人, 既然咁比心機同朋友keep關係, 不如再比多d 愛我的家人.

在未來一年, 我會多d 去探媽咪, 因為我吾知佢仲有幾多日子在這世上, 每次見到她身體越來越差.......就會好心痛, 就會想.....好好珍惜現在相處的每一刻.

我最鍚o既細佬!

記得以前講過, 生日就是收成績表的時候, 你平時對朋友好吾好, 到你生日個日就會知道.

今年生日好開心好感動, 因為我擁有一班好有心, 好關心我的朋友.

我問自己, 生日最想做什麼?? 我最想做的是見番自己最好的朋友, 做一些很喜歡做, 但平時又無時間做的事.

我知道我的朋友很忙, 所以打算攪兩個活動, 一個是閒日, 一個是假日, 方便不同行業的朋友.

12月17日

教完跳舞就同5位好朋友在TST海港城食pizza, 我選擇食pizza是因為好少機會食, 而且要一班人一齊食先開心. 我選擇海港城是因為可以影埋聖誕登飾.

我好有異性緣, 同4個男仔一齊渡過.

楊亮星(Sam)和陳承擊(eDGAR)是我的小學同學, 我同阿Sam好有緣, 以前一齊在麥當勞做, 最近又在港香見番大家,eDGAR是一位好好傾的朋友, 以前讀中學時, 我們常常在ICQ傾計, 佢好叻仔, 以前小學考第一, 今年又剛剛大學畢業.

只有小學同學才會叫全名, 好親切啊! 所以大家叫我關碧珉我都吾介意嫁~

Enzo, Tony, Killy 是6年前職業英語暑期班的同學, 這六年來我們都keep住聯絡, enzo 間中都有揾下我, 好努力keep住大家的友情, killy心地好好, 同佢傾計好舒服, tony就吾洗講啦, 我成日提佢, 佢係一個好男仔, 對我好好, 好包容我o既一位好友.  

吃飯的過程, 陳承擊問我, 做咩同Tony講野好似嘈交咁, 我地異口同聲地說: 這是我們的溝通方式, 原來真心朋友就是有個句講個句, 吾怕會得罪對方, 大家了解大家.

12月20日

14位朋友齊齊在港晶neway唱k, 我鍾意唱k , 因為音樂可以令人開心, 可以relax.

這班朋友, 全部都是很好的朋友, 而且他們性格外向, 喜歡認識新朋友的年青人. 每一位都是親自打電話約他們, 沒有在facebook公開約.

Jason, Adela, 張婷是HBL的同事, 我好欣賞他們, 因為他們是有理想, 有創意, 有創業精神的人, 而且他們的社會經驗比我豐富, 同佢地一齊玩好有得著.

阿kit同 clara是我在問卷街認識的, 能夠做到朋友真是有緣. 而kaman是在HBL裏一起奮鬥過的朋友.

我識阿kit個時仲係單身, 而家有左bf, 去邊都帶埋佢出黎, 有時見到佢地咁恩愛真係吾多抵得.

這一年來都很少同clara 聯絡, 想不到偶然一次打錯的電話, 就令我識到阿yui同阿jeff, 更想不到的就是, kamam是阿yui的朋友.

阿Jeff住粉嶺, 次次有佢係度就有人一齊坐火車, 他雖然比我大幾年, 但同佢好好傾, 他是designer, 但很健談.

 阿雪是我三年ive裏最好的朋友,她曾經在我失戀時陪伴著我. Sirgun是我剛剛做HBL時認識的朋友, 他間中都會打比我支持下我. 原來clara同sirgun本身又是認識的, 他們在我facebook的共同朋友裏相認, 世界真係少.

阿Nick 是半年前打保ling識識的朋友, 他是做保險的, 可能大家做o既行業好似, 所以未好傾囉.

仲有阿Chak是今年4月, BBQ認識的, 他做IT, 返工好悶, 所以一有活動他就會來參加.

曾經有朋友問我, 我就快生日, 如果自己同自己攪會吾會吾知點咁, 我話邊個攪都吾緊要, 最緊要開心.

雖然生日個個係我, 但這個晚上, 我最開心的是見到他們有講有笑, 見到他們開心我就開心.

過左今日後, 我又大一歲啦! 過去三年我都好努力為事業奮鬥, 22,23歲時的生日願望是希望升推廣組.

雖然而家未做到, 但我真真正正體會到怎樣經營一門生意, 在發展這事業的過程, 我認識了許多很錫我的人, 這種友情比起升職更重要.

所以今年, 我的願望是希望好好為家人付出, 我希望找到個志同道合的男朋友一起創業, 仲有要賺到第一桶金開營俱樂部!

我吾怕講出黎會吾實現, 因為我許的願望, 是實實在在的願望, 我相信只要我努力, 很快會達到.

我希望到了25歲的我, 會是個更成熟, 更進步, 同埋開始有女人味o既人...哈哈!

作者黃毅力提出要有3個必殺技:

1.超前學習

聰明的人會在別人的錯誤中學習, 平庸的人從自己的錯誤中學習, 愚蠢的人在學習過後仍不斷重複自己的錯誤.

雖然錯敗能讓你有所成長, 但人的生命和時間有限, 每透過錯敗去學習, 所虛耗的光陰將會多得很.

所以想取得成功, 就要從其他成功的人身上, 洞悉他們成功的關鍵, 把這些元素放到自己身上.

2.超快起動

這就是我之前在這裏提過的'有前無後, 打死罷就', 沒有猶疑快些起動, 將你的工作'超前學習' 化成經驗與實踐的智慧.

3. 超強團隊

要在有限的人製造無限的成功, 便需要一支有心有力的團隊助你完成大業. 一些並不是太重要的工作, 留待他們處理, 一些可以讓你做出最佳及有效的準備工作, 也由團隊替你做, 到你南征北討之時, 在優秀團隊的配合下, 你的競爭能力自然大大提升.

要比對手強, 便要透過'超前學習' 汲取大量的智慧, 配合'超快起動'作實踐, 並擁有一支比對手強的團隊, 這樣就可以立自己於不敗之地, 戰無不勝.

此外, 要明白兩句說話:

相信世間一切是有可能的

相信一切是上天最好的安排

當你用盡決心去拼博, 也做好最佳準備, 但最終郤事與願違, 便要學懂調節自己的心情, 相信一切是最好的安排.

人要成功, 就要學懂自我超越, 也要學懂獨立, 不要問社會, 公司, 父母可以為你做什麼, 要望著鏡子, 問自己可以為你的未來做些什麼.

每日看少少對自己有幫助的文章, 真是充滿了力量! 人生充滿希望^^

我終於都開始寫聖誕卡了! 這是一年一次向我的朋友或客戶表達我對他們的心意. 聖誕節除了是開心快樂的日子, 也是感恩的日子.

過去的日子, 如果沒有我的朋友和客戶的支持, 我都吾能夠堅持到咁耐.

正當我向朋友表達心意時, 就收到yolanda電話, 雖然我們是做問卷認識, 但我們的性格好似, 所以做到好好的朋友.

我們初初都是說說近況, 講下感情事, 講下事業, 講下聖誕去邊度玩, 講講下就傾起心事來, 我很少會與人說心事, 因為我覺得行外人未必幫到我, 但yolanda真是一個很細心的人, 所以有咩事都可以同佢傾, 同佢傾玩成個日都好舒服.

原來幫得人多自己也有得著, 早幾日阿雪打比我, 問我關於前途的問題, 我比了少少意見佢, 但後來我吾得閒未能同佢傾下去.

仲有Tony, 前幾日傾過電話, 佢係一個好好o既聽眾, 而且佢好了解我, 見證住我成長同改變, 過兩日我地會同埋vec d 同學仔一齊食飯, 慶祝埋我生日.

仲有Harry, 佢沖d 朱古力coffee好好味!

Lucky今日都打過比我, 佢話我就快生日請我食飯. 到時我要送番份聖誕禮物比佢.

仲有Sirgun, Alan, 佢地間中都會打比我支持下我, 問下我近況.

女仔仲有阿Kit 啦, 我成日攪活動佢都會出黎o既, 上星期黎完我屋企, 過幾日又去唱k.

我以前成日覺得我揾朋友多過朋友揾我, 但原來你揾人揾得多, 佢地都會揾番你, 會關心番你.

最近我睇返以前d 相, 發現好多舊朋友都無keep contant啦!

有時睇到朋友仔facebook, 見到以前d 朋友仍然係咁fd, 好似repeat F.5個班同學仔, drama club的朋友, 做麥記d 同事, 雖然見到人地一班人仲咁friends好羨慕, 但數數手指, 我也有許多好朋友.

如期羨慕人地, 不如好好珍惜現在擁有的.

其實香港好細, 我成日都撞到舊朋友, 最近我見返小學同學楊亮星, 補習同學何永豪.

我們一齊坐車返上水, 雖然大家識左十幾年都無咩聯絡, 但見番面仍有一份親切感.

我相信今年的生日一定會好開心, 因為有你地~^.^~